(၄)နွေဦးကာလမြူထသောအခါ

နွေဦးကာလ ၊ မြူထသောအခါ                                                                                      ရင်းထောင်ရင်းဆွဲ ၊ ဆောင်မြဲအိုးလွယ်ကာ                                                                               ဓားနှီးထက်စွာ ၊ ခါးမှာချပ်လျက်                                                                                     ထန်းပွင့်ထန်းခိုင် ၊ ရွှန်းမြိုင်မြိုင်                                                                                               ကလိုင်သာလွယ်လို့ တက်သည်နှင့်လေး။

ထန်းပင်ထန်းလက် ၊ ထန်းရွက်ကယ်ဝေေ၀                                                                       စင်အောင်ခုတ်ထစ် ၊ နုမြစ်ကယ်ထန်းဦးရေ                                                                                  မယားငယ်ဆွေ ၊ ထန်းရေသိမ်းဆည်း                                                                              သားမြစ်ဟစ်ကျော် ၊ ခွေးဝက်ကယ်ခေါ်                                                                               ထန်းလျှော်သာ ယုန်ပိုက်စည်းငယ်နှင့်လေး။

ခေါ်သံရိုက်ဟည်း ၊ လူလည်းကြော်ငြာ                                                                                      ခွေးဟစ်လူဟစ် ၊ ခတ်ပစ်ကယ်ခြောက်သောအခါ                                                                  ပုတတ်ကယ်ယုန်ခါ ၊ တောမှာရှိကြ                                                                                                       ငုံး ကြက်ကယ် ဖွတ် မြွေ၊ ၀ံပုလွေ                                                                   မနေထွက်လာကြသည်တည့်လေး။

ဝမ်းသာအားရ ၊ မယားကတစ်သွယ်                                                                                ဟင်းရွက်ဆိုးကောင်း ၊ သောင်းပြောင်းရော၍လွယ်                                                                              လင်ကတစ်သွယ် ၊ ယုန်ငယ်ကစ                                                                                                တောသတ္တ၀ါ ၊ တွေ့တိုင်းကိုသာ                                                                                             အိတ်မှာသာယူ၍ ချသည်နှင့်လေး။                                                                                        သို့နှင့်ရောက်က ၊ ခဏအောင့်လျှင်                                                                                    တံစို့ထက်နှင့် ၊ ထန်းလျက်ဖိုမှာကင်                                                                                  ဟင်းအိုးဆူလျှင် ၊ အကင်ခတ်ပြီး                                                                                      အိုးကင်းနှင့်လှော် ၊ ရေနှင့်ကြော်                                                                                       

မိုးမျှော်ငရုတ်သီးငယ်နှင့်လေး။                                                                                       

နှီးဒေါင်းလန်းကြီး ၊ ခူးပြီးသောခါ                                                                                           သမီးနှင့်သား ၊ များလို့မ၀င်သာ                                                                                                     ဒူးတစ်ဖက်ဟာ ၊ တွန်းကာဖယ်လျက်                                                                                             သူ့ထက်ငါလေ ၊ စားတော့မည်စေ                                                                  စားပေသာလှအုန်းခွက်ကယ်နှင့်လေး။

ငုံ့လျက်ကိုယ်စီသာ                                                                                        ဆုပ်ကာလွေးတော့သည်။                                                                                                  ပြီးလျှင်ရေမရျာ                                                                                               ခွေးသာကြွေးတော့သည်။                                                                                                    တျာချင်း             ညောင်ရမ်းခေတ်          ၀န်ကြီးပဒေသရာဇာ                                                                  ခက်ဆစ်အဖွင့်

၁။မြူ                  =မြေလွှာအထက်ဝန်းကျင်၌ ရစ်ဆိုင်းနေတတ်သော အခိုးအငွေ့။                               ၂။ရင်းထောင်      =ထန်းပင်၏ အောက်ခြေအရင်းမှ ထောင်တက်ရသော လှေကားငယ်။                            ၃။ရင်းစွဲ             =ထန်းပင်အထက်မှ အောက်သို့ တွဲလျားချ၍ ထန်းပင်နှင့် ကပ်ချည်ထားသော ထန်းတက်

                          လှေကားငယ်။                                                                                         ၄။ဓားနှီး             =ထန်းလှီးဓား။                                                                                                            ၅။ကလိုင်           =ထန်းပြင်ရာတွင် ထန်းလက်ကို ထန်းပင်လုံးမှကွာအောင် ထိုးကလန့်ပြီး ထန်းသမား

                         ထိုင်ရသော တုတ်ချောင်း။                                                                     ၆။ထန်းလျှော်      =ထန်းလက်မှခွာယူထားသော အခေါက်ကြော။                                                  ၇။ယုန်ပိုက်စည်း   =ယုန်ထောင်ရန် ပိုက်တန်းစည်း။                                                               ၈။ရိုက်ဟည်း       =ဟိန်း၍ပြန့်နှံ့သည်။                                                                          ၉။သောင်းပြောင်း  =အရောရော။အနှောနှော။                                                                                     ၁၀။တံစို့               =မီးကင်ရန် သားငါးထိုးလျှိုရသော အဖျားချွန် အချောင်းအတံ။ 

၁၁။နှီးဒေါင်းလန်း   =၀ါးနှီးကို ရက်လုပ်ထားသော ခြေထောက်တပ်ဗန်းကြီး။                                         ၁၂။လွေး             =အားးရပါးရ စားသောက်သည်။

အောက်ပါ ဝေါဟာရ တို့ကို ၀ါကျအသီးသီးတွင် သုံးပြပါ။                                                                      ၁။မြူ                        =နွေဦးတွင် မြူများ ရစ်ဆိုင်းနေတတ်သည်။                                                   ၂။ထန်းလျော်       =ထန်းလျော်ဖြင့်ယက်လုပ်ထားသောပိုက်သည် အလွန်ခိုင်ခံ့သည်။                      ၃။သောင်းပြောင်း  =ကိုအောင်ဆန်းသည် စာအုပ်များကို သောင်းပြောင်းထည့်ယူလာသည်။                                  ၄။တံစို့               =စားဖိုမှုးကြီးသည် အသား ငါးများကို တံစို့ထိုး၍ မီးကင်နေသည်။                       ၅။နှီးဒေါင်းလန်း    =ရှေးမြန်မာတို့သည် ထမင်းစားသောအခါ နှီးဒေါင်းလန်းဖြင့် စားလေ့ရှိကြသည်။                     ၆။လွေး              =လယ်သမားကြီးသည် အလွန်ဆာလောင်နေသောကြောင့် ထမင်းကို အားရပါးရ

                           လွေးတော့သည်။                                                                                    မေးခွန်းတို                                                                                                                               “နွေဦး ၊ ၀န်ကြီး ၊ တျာချင်း ပြီး ၊ ညောင်ရမ်းခေတ် စီး ၊ နတ်ရှင်ကြီ။”

၁။“နွေဦးကာလ မြူထသောအခါ” ကို မည်သူရေးသနည်း။                                                  “၀န်ကြီးပဒေသရာဇာ” ရေးပါသည်။                                                                                 ၂။“နွေဦးကာလ မြူထသောအခါ” သည် မည်သည့် ကဗျာအမျိုးအစားဖြစ်သနည်း။                                           “တျာချင်း” ကဗျာ အမျိုးအစား ဖြစ်ပါသည်။                                                                           ၃။“နွေဦးကာလ မြူထသောအခါ” ကို မည်သည့် ခေတ် တွင်ရေးသနည်း။                                    “ညောင်ရမ်းခေတ်” တွင်ေ၇းပါသည်။                                                                                     ၄။”၀န်ကြီးပဒေသရာဇာ” ၏ ကျော်ကြားသော “ပျို့” အမည်ကို ဖေါ်ပြပါ။                                                 “သူဇာပျို့” ဖြစ်ပါသည်။                                                                                                       ၅။”သူဇာပျို့” သည် မည်သည့်ဆောင်ပုဒ်ဖြင့် ကျော်ကြားသနည်း။                                                  “စာနုကိုလည်း မချစ်နှင့် ၊ သူဇာကိုလည်းမပြစ်နှင့်” ဟူသော ဆောင်ပုဒ်ဖြင့် ကျော်ကြားပါသည်။                              ၆။ “စာနုကိုလည်း မချစ်နှင့် ၊ သူဇာကိုလည်းမပြစ်နှင့်” ဟူသော အဓိပ္ပာယ်ကို ရှင်းပါ။      “စာနုကိုချစ်သောသူသည် သူဇာကိုပြစ်ပယ်၍ မရနိုင် “ ဟု ဆိုလိုပါသည်။                                                       ၇။”ပျို့” ဟူသည်မှာ အဘယ်နည်း။                                                                                                    “ပျို့” ဟူသည်မှာ “လေးလုံးစပ် လင်္ကာရှည်” ဖြစ်ပါသည်။